Karten.png
Logo.png

Das Karta-Rotespel öber s' Liachtasto

 

So funktioniart's

Wia guat kennsch s' Liachtasto wörklig?

OBACHT! isch a Kartarotespel öbers Liachtasto. Zwo Gruppa treten gäga anand ah und versuachen möglichst viel Karta z' gwinna.

Es git viar verschidene Arta vo Karta:

  • Binra Erklärkarta muass ma dr Begreff wo döt stoht am eigena Team erklära ohne die verbotena vier Wörter oder n Teil vom Begriff z benutza.

  • Wenn eppert a Themarundi zücht, denn goht's drum möglichscht viel Begriff zumna definiarta Thema (z.B. Liachtastoner Alpa) ufzzella.

  • D Spezialkarta wo jewils anra Gmond zuagordnet sin lockren s Ganze kle uf. So krüagt ma met anra Baalzner Karta kle meh Zit oder kann zum Beispiel met anra Muurer Karta am andra Team a Karta stähla.

  • Es sei denn, s gegnerisch Team leht iahres Vetorächt ih ....

Kartenstapel.png
 

Regla vom Spel

Regeln.png

1. Spelkarta

  • Es git vier verschiedeni Arta vo Karta: Erklärkarta, Themarunda, Spezialkarta und Vetorächt.

  • Binra Erklärkarta muass ma dr Begreff wo döt stoht am eigena Team erklära ohne die verbotena vier Wörter oder n Teil vom Begriff z benutza.

  • Binra Themarundi wörd d Zit aghalta und bedi Teams mohn abwechselnd an passenda Begriff zum Thema nenna. Das Team wo dr letzt korrekte Begriff säga kann gwinnt dr Punkt. Wörd an Begriff doppelt gset, so goht dr Punkt as andere Team. Noch dr Thema-Rundi beendet s Team d Spielrunde met dr rästlicha Zit.

  • Bi da Spezialkarta stoht druf waser dua mon, D' Zit lauft dabei witer. Spezialkarta hon unterschiedliche Funktiona:

    • Doppelt soviel Zit: Noch em Ablauf vo da ersta 60 Sekunda kunnt s Team wo d'Spezialkarta zücht witeri 60 Sekunda zit öber zum Pünkt sammla.

    • S' gegnerische Team macht witer: Wenn dia Karta kunnt, wörd d' Zit direkt aghalta und s andere Team nutzt di restlicha Sekunda bevor si a reguläri Rundi starten.

    • Karta zellt als Zuasatzpunkt: Glück kha! fahren a Feld witer.

    • I anra anders Sproch erklära: S nögschte Wort (nur on Begreff) monner i anra andra Sproch (z.B. Englisch, Spanisch oder Hochdütsch) erklära

  • Mit amna Vetorecht kann dr Strofpunkt verhindret wöra oder ma ka a Karta woma ned erklära kann öberspringa. Zuadem kama mem Vetorecht oh a Spezialkarta för ungültig erklära.

Erklärkarte_vorne
Erklärkarte_hinten
Themenrunde_vorne
Themenrunde_hinten
Spezialkarte_vorne
Spezialkarte2_hinten
Spezialkarte_hinten

2. Spelvorbereitig

  • Belden zwo Gruppa wo sich eppa glichguat mem Liachtasto uskennen und hocken Euch abwächslend noch Team um an Tesch.

  • Jedi Gruppa platziart iahri Spelfigur (Büroklammra, oder Kloppa) ufm Spelfeld. 

  • Guat meschla und alli Spezialkarta und Themarunda glichmässig im Stapel verteila (Obacht! D'Vetorächt-Karta und Spelregla ned unter der Stapel meschla)

  • Jede:r Speler:in kunnt a Vetorecht-Karta öber (Liachtasto-Neuling oder Lüt met Sproch-Barriera inkl. Bärger kon zwo öber).

  • Di restlicha Karta legendr id metti vom Tesch uf on Stapel.

3. Spelablauf

  • Gschpelt wörd im Uhrzeigersinn.

  • Jedi Rundi goht 60 Sekunda. Benutzen zum Zit stoppa a Sanduhr oder Stoppuhr uf em Handy.

  • Das Team met da meischta Ruggäller:inna (oder Unterländr:inna) fangt ah und zücht a Karta vom Stapel.

  • S' Ziel isches inra Rundi sövl Karta wia möglich z errota. Jedi Karta git an Punkt. 

  • Eppert vom andera Team isch „Gmondspolizischt:in“, kontrolliart ob alles korrekt lauft – und rüaft lut „OBACHT!“ falls os vo da Wörter verwendet wora isch. S' erklärende Team kunnt denn an Strofpunkt öber.

  • Noch Ablauf vor Zit wören d Pünkt (Karta) zellt und d Strofpünkt abzoga.  D' Spelfigur lauft entsprechend d' Anzahl Pünkt noch vorna. 

  • Das Team wo zersch s' Ziel erreicht hät gwunna.   

Taugts dr?

 

4-38'000 Speler:inna

10+
Johr

30-60
Minuta

 

Lokal produziart & entwicklet

Bi dr Entwicklig isch üs ganz bsundrigs am Härza glega, dass mer s Spel möglichscht nochhaltig und lokal produziara kon.

 

Dr Kartadrock öberninnt för üs Meinspiel und d' Verpackig lon mer bim Heilpädagogischa Zentrum in Schaan vo dr Textrina im Liachtasto herstella.

Miar sin bsundrigs stolz druf, dass üsers Projekt met Eura Helf als Crowdfunding finanziert wöra hät könna!

I Zemmaarbet met 

2013-neu-Logo_HPZ-w-244.jpg

Ma kennt üs vo

Made in liechtenstein.jpg

Entwicklig

D' Idee för OBACHT! isch relativ spontan amna Spele-obet entstanda. I korzer Zit hommer denn scho sehr viel liachtastoner Begriff gsammlet ka und an Prototyp erstella könna. Bis zur Marktriife hommer denn aber no zahlrichi Feedback-Schleifana met Familia und Fründa drölla könna. Wenn iahr a dr Witerentwicklig vo OBACHT! metschaffa möchten, konner üs Euri Ideea und Begriff öbers Kontaktformular gern schecka!

prototyp_edited.jpg

Produktion

För d Produktion vo üsrem Kartaspel hon mer üs verschiedeni Kartahersteller i dr Nöchi agluagt und üs för d Meinspiel entscheda. 

Produktion.jpeg

Design

Als Gschäftsfüahrerin überninnt d Arabella ned nur an organisatorische Rolla sondern isch dr kreative Kopf hinter OBACHT! D' Schällabärgerin stoht hinter all üserna Karta-Designs, Zeichniga und Grafika. 

design_edited_edited.jpg

Verpackig

Bi dr Verpackig vo OBACHT! hommer zemma met em HPZ in Schaan a Säckle entwicklet, wo vo dr Textrina gnaiht wörd.  An Teil vom Erlös goht entsprechend an en soziala Zwäck. 

Verpackung_final.png
Bild28.png
1280px-Logo_Liechtensteiner_Vaterland.svg.png
KUL.png
wemadeit_red-1030x1030_edited.jpg

Hüfig gschtellti Froga

Wövl Lüt kon metdua?


Vo 4 bis 38‘000 Speler:inna. Es mohn afach zwo Gruppa si. I da witera Spelvarianta isch oh beschrebba wia ma OBACHT! oh zu zwot spela kann.




I kenn mi mem Liachtasto ned so guat us!


Ko Problem, üsri Empfehlig isch dass sich i jedem Team mindestens eppert befinda sött wo sich a Betz mem Liachtasto uskennt.




Ich verstehe Euren Dialekt nicht...


Umso besser, das Spel isch huara guat zum na Lärna. Viellecht git's i Zuakunft denn amol a Hochdütschi oder a Englischi Version :)




Het dia Aleitig n Tschügger gschrebba?


Miar hon vrsuacht alli Dialäkt im Spel z repräsentiara. – isch abr schwiarig. Kurzi Antwort... i dem Fall, jo :D




Ka ma oh sälber Wörtle erfassa?


Jo ka ma! Helf üs s'Spel witer z'entwickla und erfass dini eigena Kärtle online. Alle Begriff wören gründlich prüaft und finden met grossa Wohrschinlichkeit ihara wäg ina Erwiterig vom Spel met zusätzlicha Karta.




Ab wövl Johr kama OBACHT! spela?


OBACHT! isch a Spel för Jung und Alt. Grundsätzlich kon alli spela wo läsa kon - also ab 8-10 Johr sött ma guat metspela könna.




Gits OBACHT! oh för Unternehma?


Miar schaffen grad anra Unternehmensversion wo d Verpackig mit Eurem Firmalogo individualisiert wöra kann. Uf Afrog kommer bi grössera Menga oh uf d Karta a Firmalogo ufdrocka. Melden Euch doch afach korz öbers Kontaktformular.





 
 

Öber üs

Arabella Stock.png
Arabella.jpeg

Üsers Kartaspel isch amna gemeinsama Spele-Obet in Schaan entstanda und a Vielzahl vo Fründa und Bekannta hon metgholfa zum Wörter sammla, s Spel usprobiara, Feedback geh und witerentwickla. Miar hon üs denn entscheda an Schritt witter z go und das Projekt an Markt z bringa.

 

Miar freuen üs uf Euri Rückmeldiga & wünschen Euch viel Spass bim Spela

Liabi Grüass

Arabella, Severin & Theresa

Severin.png
Severin.jpeg
theresa.png
Theresa.jpeg
Kontakt & Feedback

Danke för Dini Afrog!

 

Soziali Media

 

OBACHT! Kofa

S' einzigartig Spel öbers Liachtasto isch a da folgenda Verkofsstella erhältlich:

Hoi AG

Städtle 35

9490 Vaduz

Top Hair Anstalt

Wüerleweg 5

9491 Ruggell

Kosmetikstudio 63 GmbH

Eschner Strasse 63

9487 Bendern

Omni AG

St. Luzi Strasse 18

9492 Eschen